اسئلة بتموت ( باللهجة السورية )

اسئلة بتموت ( باللهجة السورية )

*متسطح بتختك ونايم ومطفي الضو ومتغطي
بالبطانية بيجي واحد من أهلك بيفتح الباب
ويقول :

شو نايم ؟؟*

*لأ !! عم ارقص.. بس الوضع بيوحي إني نايم*

**

*معزومين ع بيت جماعة، ولما بتدقوا الباب
.. بيفتح شي فهمان وبيقول بدهشة:هه

إجيتوا ؟؟؟*

*لا والله لساتنا عالطريق، في عجئة بشارع
بغداد*

**

*لابس أحلى أواعيك ومتعطّر وشايل مفاتيح
السيارة وجزدانك ورايح لبرات البيت،

بيجي*

* حدا من أهلك بيسألك، شو رايحلك شي مشوار
!!؟؟*

*لا والله طالع عالأسطوح صلّح صحن
الديجتال*

**

*حامل سماعة التلفون وعم تبلش تدق
بالأرقام، بيجيك عنصر مفاجئ من أهلك وعلى

وجهه علائم الإستغراب والدهشة: بدك تحكي
بالتلفون؟*

*لأ شو إحكي !!! بس كنت عم جرب *

صوت طنة الأرقام **

*حاطت راسك ونازل بهالكتب والدراسة،
بيجي أبوك أو امك...: عم تدرس؟*

*لا والله ...!! عم غير زيت للسيارة*

**

*مذيعة بيوم العيد عم تلف بالشوارع وتلطي
ع كم مواطن وتسأل وبنفس الوقت هي

بتجاوب: شو بتساوي اول يوم العيد ؟ أكيد
بتروح بتزور الأهل والقرايب *

*لا والله بالعادة بفكر العب شدة وماروح
لعندهم *

**

*بتطلع بميكرو وبتحط هيك وبتطلع
(خمسة)وبتعطيها للي ئدامك، وبكل برودة
بيئلك: واحد ؟*

*لأ 60 واحد ؟ ورجعلي الباقي **

*أشّر بأصبعته الكريمة لتكسي، وفعلاً
وقفلو العينتين، بيسأله: فاضي؟*

*لأ ... عندي 10 طلبيات، بس وقفت حيونة*

**
*بدك تنزل من الميكرو: عاليمين زكاتك....
بتتلقى الرد: نازل ؟؟*
*لا والله بس عم جرب صوتي*

*بتطلع بميكرو وبتحط هيك وبتطلع
(خمسة)وبتعطيها للي ئدامك، وبكل برودة
بيئلك: واحد ؟*

*لأ 60 واحد ؟ ورجعلي الباقي **

ههههههههههه هي على طول بتصير معي بس انا بقلو اذا كنت عاطيه خمسة بقلو خمسة واذا عشرة بقلو عشرة

حلوة هالأفكار بتدل على انو الواحد رايق وماعندو هموم بنوووووووووب

و الله يأخي BROONO مو مني هي بصراحه من صديق عزيز لي ............
بس عنجد كتير حلوه منشان هيك حبيت أتشارك أنا وياكم فيها لأنكم أصدقائي الجدد ..........
و شكرا لتعليقك الجميل ..................

ههههههههههههههههههه

مشكور حبيبي فراس

الله يعطيك العافية

ههههههههههه

كتيييييييييييييير حلوييييييين .....

بدكون الصراحة وبدون زعل ...

هالموضوع ذكرني بموضوع الاخ سرمد ( سجـــــــــــــل منتديات طريق الحب للحضور اليومي و الغياب ) منكون بالمنتدى واسمنا بقائمة المتواجدين وعم نشارك ونكتب والاخ سرمد بدو يانا ندخل ونسجل حاااااضر .....

يسلم ايديك فراس ...

مشكور أخي عاشق المستحيل و أختي لولو على مروركم الطيب .........
و للأخت لولو الله لا يجيب زعل أبدا ............