شو بيعني الحنان

قلبي ما عم ينرسم عالورق
ما بعرف لَيْشْ
يمكن لأنو نصفو نحرق
ويمكن ما بَدُّو يعيش
**************
هرب من بين إدَيّي قلبي
وأنا عم نادي رايح وين؟!!!
شو نسيت أيام كان دربك عدربي
و أيّام كنا نحكي بنظرات العين
***************
شو صار!!! ... شو صار بوعدك إلي
ولا كتبتو على ورق ضيعو الزمان
وكيف قدرت تحرق دموعي وتقلّي
فِلّي أو ظلّي معك أو بلاك ما في أمان
***
وينو الطفل يالّي بحضني كان يرتمي
ويقلّي بحبك وينو الولهان العشقان؟؟
ولاّ كبر فجأة وضيّعني بْكِلمِة
حَرَقِتْ قلبي ونسّاتني شو بيعني الحنان